Corpus:AaaaEkiwayi ky’abasuubuzi b’ewa Kisekka kigenda kuzimba katale
| Source | {{{source}}} |
|---|---|
| Author/Creator/Speaker(s) | BENJAMIN SSEBAGGALA |
| Editor/Recorded by/Broadcaster | John Kulubya |
| Title | Ekiwayi ky’abasuubuzi b’ewa Kisekka kigenda kuzimba katale |
| Original language | {{{Olanguage}}} |
| Date/Place | MONDAY, 22 AUGUST 2011 14:28 |
| Volume/Pages | 4 |
| Publisher | Vision Group |
| Translator | Medadi Erisa Ssentanda |
| Type | newspaper |
| Annotator | Medadi Erisa Ssentanda |
| Contributor | Medadi Erisa Ssentanda |
| Corpus translator | {{{corpustranslator}}} |
| Link to the annotated dataset | {{{link}}} |
EKIWAYI ky’abasuubuzi ku katale ka Kisekka awali aba loole n’abooza mmotoka nakyo kirangiridde enteekateeka y’okuzimba akatale kaabwe ne balaga ne pulaani wabula abamu tebakkaanyizza ku bukulembeze nga balumiriza nti be baalonda babasudde bbali ssentebe ne banne ne beegabanya ebifo. Bino byabadde mu lukiiko lwe baatuuzizza mu katale ku Lwomukaaga ssentebe Samuel Baliruno n’ayanjula enteekateeka newankubadde nga yawakanyiziddwa abamu nga bagamba nti ye ssentebe yennyini n’omumyuka we Kibedi Nsegumire tebabalondangako.
Agamu ku mannya agali ku kakiiko akafuzi ge baawakanyizza Kuliko:Charles Bulega omuwanika nga bagamba nti balonda Edward Kamulegeya, Tom Katende owa guno na guli, Sophia Nabulya omuwandiisi bagamba nti ssentebe Baliruno yalonderawo mukyalawe kyokka ebiwandiiko biraga nti ekifo kirimu Yodder Kyagulanyi.
Kkampuni empya abasuubuzi gye bagenda okusabiramu liizi bagiwandiisizza mu mannya Nakivubo- Mpabaana Combined Traders Association era muno mwe bakungira abasuubuzi bonna okulaba nga beewandiisa okufuna obwammemba obujjuvu baleme kulekebwa bbali ng’enkulaakulana ejja.
Haji Tezikuba Sajjabbi omuwabuzi wa Pulezidenti era eyabadde omugenyi omukulu yasuubizza abasuubuzi okutuusa ensonga zaabwe ewa Pulezidenti n’abakuutira okukolera awamu beewale abatabuzi ababaleetera ebigambo okutabula enkulaakulana gye batuuseeko.