Corpus:Nyine okwikiriza

{{Source|author=Radio recording|publisher=|date=19. ‎July ‎2010|place=Mbarara, Uganda|editor=|translator=Justus Turamyomwe|type=song|annotator=[[User:Justus Turamyomwe|contributor=Radio-recording|article=
Nyine okwikiriza
Ku nyijuka ngu Yesu akasigaho ekitiinisa kye ky’obwa Ruhanga
Yaasigaho obugwagye bw’omu iguru, yaagizamu ensi y’enaku
Nkiijuka ngu akaija ahabwangye, kuunyiha omu bi naazaariirwemu
Ndeeba rukundo egyo ei yangiriire
Ndeeba eri ey’okutangaaza
Ku ndeeba Yesu ataine bubyamo
Arikusiiba enjara n’eiriho
Ari n’abooro n’abasiisi
Ndeeba ngu nyine okwikiriza kukye, mpurira naagira eibanja
Ku ndeeba Yesu omu mbuga z’amateeka
Naateerwa empi naacwerwa omu maisho
Mpurira naagira eibanja
Nkiimusya amaisho naayereeba kandi naareeba Yesu naahoza, ndeeba ngu nyine okwikiriza kukye
Mpurira naaagira eibanja
Ku nyijuka eizooba rya Gologosa
Naareeba ogwo mushaija abambirwe
Nkireeba nibamuta omu butuuro
Mpurira naagira eibanja
Nkiimusya amaisho naayereeba, naashuba naareeba Gologosa
Ndeeba ngu nyine okwikiriza kukye
Mpurira naagira eibanja
Ku nyijuka eizooba ry’okuzooka
Naareeba rufu neecweka busha
Ndeeba ngu nkore bikye na bihango mpamye okwikiriza kwangye
Ka nkushabe Mukama ompwere
Ntuure n’okwikiriza okwijwire
Rukundo egyo ei Yesu yangiriire
Ndekye kugihemukaho
}}