Corpus:Dialogue with AE
| Source | recording |
|---|---|
| Author/Creator/Speaker(s) | Natumanya Misah & Arinaitwe.E |
| Editor/Recorded by/Broadcaster | Natumanya Misah |
| Title | Dialogue with AE |
| Original language | Runyankore-Rukiga |
| Date/Place | Kashenshero- Uganda, 27.07.2011 |
| Publisher | Misah Natumanya |
| Type | conversation |
| Annotator | Misah Natumanya |
| Contributor | Misah Natumanya |
| Corpus translator | Misah Natumanya |
| Link to the annotated dataset | http://typecraft.org/TCEditor/1803/ |
Transcription
Ni bindi bintu ki ebi orikukoresa omu kushoma?
Nitukozesa ebitabo, omu kushoma nitukoresa ebitabo obucumu n’ekaraamu kare nk’ebyo.
Nooteekateeka kwija kugaruka kushomera nkahi?
Kare nikirugiirira aha ku ndaakore
Kwonka iwe, aha burungi okaabaire nooyenda kushomera nkahi?
Kushoma ki?
Ningamba aha kwongyera kushoma omu bwire bwawe bw’omu maisho, okaabaire nooteekateeka kushomera nkahi?
Nkaabaire ninyenda kushomera ahi waashomeire
Ni nkahi okwo?
Nka Makerere.
Ku orikuba noohuririra Makerere, bakugira ngu hariyo birungi ki?
Ebirungi nyowe ningira ngu omu kuteekateeka kwangye ngu nookushanga waatungirayo diiguri, otyo okatandikira aha kukwata sent zaawe z’okwebaisaho.
Omu kureeba kwawe, nooteekateeka kwija kuhikiriza ekiteekateeko ekyo byanyima ya bwire ki?
Haa, hati ndi omu siniya ya kataano, ninyesiga naaza kuza kushoma nka diiguri, naija kuntwarira emyaka eshatu, kandi hati obu nkiri omu siniya ya kataano.
Nikimanyisa ngu ninyija kugaitaho egyo ebiri ei ntakahereze, so ekiteekateeko kyangye nintekateeka kukihikiririza kimwe omu myaka nk’etaano, ogaisireho ogwa mukaga ogu ndaije kuba nindonderamu omurimo.
Omu ishomero nimwegamu n’ebyobuhingi? Ngaaha.
Kwonka iwe noohurira ngu abahingi bakoresa ki?
Nibakozesa nk’emihoro, efuka, baaba nibatema nk’ebiti ebirikuba biri omu kishugi.
Kare nibyo birikwejunisibwa omu kuhinga, nk’enfuka mainly.
Mbwenu iwe, nibyo orikukira kuhingisa?
Ee, nibyo ndikukira kukozesa ebyo.
Aha ishomero nooteekateeka kugarukayo ryari?
Ninka okwamwenda kwaba nikutandika obwo naaba ndikuhumuruka 3rd term.
Hari obu waija okareetwa ki?
Tukaija omu motoka yaatwihira kimwe aha ishomero mpaka aha.
Mukareetwa motoka, mbwenu mukakoresa motoka kwija aha?
Eego, niyo ei twaiziremu.
Aha ishomero nooteekateeka kugarukayo.