Corpus:Folktale - Omuhiigi n'Embwa ze
Revision as of 11:14, 4 March 2012 by Dorothee Beermann (Talk | contribs) (moved Corpus:Folk tale-Rukiga to Corpus:Folktale - Omuhiigi n'Embwa ze)
| Source | recording |
|---|---|
| Author/Creator/Speaker(s) | Lydia Christine |
| Editor/Recorded by/Broadcaster | Justus Turamyomwe |
| Title | Omuhiigi n'Embwa ze (The hunter and his dogs) |
| Original language | Rukiga |
| Date/Place | summer 2010, Kampala, Uganda |
| Publisher | TypeCraft.org |
| Type | fairy tale |
| Annotator | Justus Turamyomwe |
| Contributor | Lydia Christine |
Obwa kare na kare hakaba hariho omusheeja
Yaataasa omukazi
Omukazi yaazaara omwana
Baatuura baatuura
Omushaija akaba ari omugaiga arakunda kuhiiga munonga
Akaba aine embwa zeeye emwe eri Rukamba, endiijo eri Ruhooyooyo
Ku yaaherize yaaza kuhiiga, ku yaarugire kuhiiga, omukazi yaamureetera eby’okurya byeye aho yaatandika kurya
Ku yaabaire yaatandika kurya muha yaija
Yaayeta embwa zeeye embwa zairukanga ahari muha
Irooko! irooko! irooko!irooko! muha yaarengyera omu ihamba
yaashunikamu embwa zeeye
Yaagumizamu, muha ku yaahikire yaataaha omuri rya ibare eryabaire ririho ryashami
Embwa zaahwerayo, embwa ku zaataahiremu ibaare ryayekinga
Akaba aineho omutabani omwe ou yaayesire iziina nawe baramweta Ruhooyooya
Aaaaa!!! omwana ku yaategyereize ishe yaabura kwija
Nyina ati mwana we irooko ogyende oze kuronda sho ei yaagiire ati hoonashi ku akurata embwa muha yo ku eyiruka yaabasiga we tagaruka!
Omwana yaagyenda arabuuza arabuuza arabuuza arabuuza arabuuza, ahi yaabuuza ngu omushaija yaaraba aha ayirukangire aha mbwa embwa ziirukangire ahari muha
batyo omu ihamba.
Ku baahikire omu ihamba omwana yaahika omu ihamba yaatandika kugyenda areeta
Ku yaayeta....Kajwengye nayo eyeta Ruhooyooyo
Yaagira ati.” iwe Ruhooyooyo Ruhooyooyo Ruhooyooyo rwa Buyanja, Ruhooyooyo Ruhoyooyo Rohooyooyo rwa Buyanja”
Ishe nawe akaba ari okwe ari omunsi y'aibaare
Ati ”iwe Ruhooyooyo Ruhooyooyo Ruhooyooyo rwa Buyanja!Ruhooyooyoy Ruhooyooyo Ruhooyooyo rwa Buyanja!
Nyowe nkaba mpingire Ruhooyooyo rwa Buyanja, naabona emondo Ruhooyooyo rwa Buyanja!
Naahinguuka naataaha Ruhooyooyo rwa Buyanja!
Ku naahikire omuka Ruhooyooyo rwa Buyanja
Bampa ebyokurya naarya Ruhooyooyo rwa Buyanja
Muha yaija Ruhooyooyo rwa Buyanja
yaakora omu sowaani Ruhooyooyo rwa Buyanja
naakwata embwa zangye naagihiiga Ruhooyooyo rwa Buyanja!
Ati okwate omuhanda otaahe Ruhooyooyo rwa Buyanja!
manya nyowe nkafa kare Ruhooyooyo rwa Buyanja!
ehh, omwana yaahurikiriza , ati ogu ku ni nka taata!
hoonashi ari nkahe?
Omwana yaagumizamu yaataaha omu ihamba
yaagyenda areeta! areeta! areeta! yaahika ahari rya ibaare
yaashuba yaatandika